U PUPU RUNNI U METTI STA - DI VINCENZO LA LIA
09.04.2016 20:50
06.02.2016 16:51
Senti e percepisce ma sta muto e nun parra.
U pupo, comu u metti metti sta.
Talia ma non vire, fa finta ca nun capisci.
U pupo è senza dignità.
Fatto ri pezza, ri pagghia, ri tavoli ri ligno e di fila ri coda, fina, fina.
U pupo è senza ciriveddo e pirsunalita'.
Mano, vrazza, ammi, peri e testa, Iddu nun movi,
pi sua volontà.
U pupo nun è omo ma quaquaraqua'.
Un fa dumanni, un voli pinsare ca so menti,
un voli movimenti e un ci interessa nenti.
U pupo è menzo o nenti, è fatto ri nenti e un vali nenti.
Ti fa raggia e ca strafottenza, ti talia e t'arrire.
U pupo un è nuddo miscato cu nenti
però iddo si sentì.
E tu nato, nta la terra, ri li pupi e di lì pupari,
runni tutto è palcoscenico
runni tutto pari ca cancia e meci resta u stesso.
Sta accura allu bavagghio, fatto ri prumisse
e di favura, è accussi ca la trasformazione
avveni, ri omu a pupo ri pezza.
LA LIA VINCENZO 2016