PALIEIMMU - DI CASIMIRO BELLONE
09.04.2016 20:29
15.02.2016 21:05
Palieimmu
Riparata i tri lati ri muntagni,
cuiccata sempri o suli ti nni stai,
e u mari ca r’un latu ti vagna
na vasata pari ca ti vuoli rari.
Quannu puoi fannu u fistinu pi Santa Rusulia,
ancora chiù biedda accussì mi pari a mia,
bedda pulita e bedda illuminata
cu l’aicchi e i bancarieddi si truccata.
Bedda Paliemmu matri affiziunata
chi pari ca a tutti tu nni vulissi riri,
stativi cà cu mia, unni vuliti iri?
Ma u suli nun si mancia e nun si vivi u mari
e cca cu tia un putiemu chiù ristari,
picchì si vuliemu manciari e travaghiari,
luntanu hamu a ghiri e sula t’hamu a lassari.
Ma appena fazzu n’anticchia i picciuliddi,
mi nni rituornu ca ‘nsemmula a tia,
na casuzza mi fazzu ‘nta sta via
e passu ri pascià a vita mia.
Casimiro Bellone
Per gli amici Ino.