L'ORBU DI LA GARITTA - di Francesco Paolo Sammarco
09.04.2016 21:44
06.07.2015 22:32
Benchì sugnu a lu scuru e ' un pozzu vidiri
li preggi di li terri siculani,
la vuci di lu sangu...mi fa cridiri
ca sunnu maravigghi sovrumani.
Mi dici ca lu virdi fa straviriri,
li munti sunnu artistichi cullani,
li rai di febu po fannu surrìdiri
'sta massa di ciureri, munti e chiani.
'Ncantatu jardineddu di l'Italia,
panara di limuni, olivi e 'nzolia
di cui lu sucu arrucia a tanti milia.
Lu so' prufumu l'Universu ammalia,
si isuli la musa porta in grolia,
lu primu cantu aspetta a la Sicilia!