I CARRETTI - DI SALVATORE GAGLIO
09.04.2016 20:59
29.01.2016 06:28
'Na vota sula pàssanu i carretti,
ed unu sulu ni passà pi mia.
Pàssanu quannu menu ti l’aspetti,
e l’hannu tutta 'n capu la gudìa.
'Ncòccialu a volu
ed ìnghiti i sacchetti,
mentri ti pari ventu e cavaddrìa.
Si pensi, ti pripari e t’arrizzetti,
affaccia e coddra, scura e cosissìa.
La vita va campata tutta sana:
va mangiata,
vivuta ed acchiappata,
mai cuntintànnusi, ca nun appana.
Nun ti scantari ma’ di la muntata;
nun ti firmari ma’,
ma acchiana e acchiana!
La vita tutta sana va campata.
Lu sàcciu pirchì persi cugninturi,
ed ora chiangiu li mumenti e l’uri.
Solo una volta passano i carretti, ed uno solo ne passò per me. Passano quando meno te lo aspetti, e l’hanno tutta dentro il delizia. Prendilo a volo e riémpiti le tasche, mentre ti pare vento e va al galoppo. Se pensi, ti prepari e ti sistemi, spunta e tramonta, abbuia e così sia. La vita va vissuta tutta intera: va mangiata, bevuta ed acchiappata, mai contentandosi, poiché non sazia. Non t’impaurire mai della scalata; non ti fermare mai, ma sali e sali! La vita, tutta intera va vissuta. Io lo so perché persi tante chance, ed ora piango i momenti e le ore.