AGOSTO - DI DOMENICO RIZZO
09.04.2016 21:31
10.08.2015 10:45
E accussì
puntuali
anchi st’annu
ti rricampasti,
nni fa cridiri
chi tutti i iorna
l’hai di festi
e simmu sempri
‘nfacinnati
ccu l’arrosti.
Parimmu tutti
babbi priati
cu accatta custi
cu u ‘nsi teni
ccu a sazizza
muluna russi
e spachetti ccu u sucu
cu un po’ mangiari
si nni sta mutu.
Sfardammu u vinu
chi u mustu è pronti
e lu cori
nni pigghia l’allegria,
cu fa la danza
e cu fa contradanza
luntanu nni tinimmu
da cuscenza
pirchì ppi austu
è malacrianza
e ognunu a festeggiari
a ricorrenza.