A LU DIU D'AMURI - DI SALVATORE GAGLIO (CATULLO NEL CUORE)

13.07.2015 22:31

 

Ti vitti dintra un sonnu, 

 

o Diu d’amuri, 

'n cima a lu celu d’ogni tempu e vita

rùmpiri pani; 

e dallu a tutti l’uri

comu 'na manna di buntà 'nfinita.

 

Scinnìa grazia di 'n celu, 

e fomu khiuri: 

grapìamu tutti la vuccuzza ardita.

Vìppimu, 

e 'n cori sbummicà l’arduri:

lu suli truvà 'n terra la so zita.

 

E m’addrivigliu 

e scorgiu ca lu munnu 

s’inghi di genti, 

ed è 'na primavera.

 

Di tanta vita e tanta gioia abbunnu 

la me jurnata chi cumincia arcera.

 

E mentri cogliu amuri 

e sarbu 'n funnu, 

lu sonnu, a Diu piacennu, è vita vera.

 

 

 

(AL DIO D’AMORE Ti vidi dentro un sogno, o Dio d’amore, in cima al cielo d’ogni tempo e vita, rompere pane; e darlo a tutte le ore come una manna di bontà infinita. Scese grazia dal cielo; e fummo fiori; aprimmo tutti la boccuccia ardita. Bevemmo, e in cuore traboccò l’ardore: il sole trovò in terra la sua amata. E mi risveglio e scorgo che il mondo s’empie di gente, ed è la primavera. Di tanta vita e tanta gioia abbondo la mia giornata che inizia fervente. E mentre colgo amore e serbo in fondo, il sogno, a Dio piacendo, è vita vera).

 

 

 

Da "La vita e l'amuri" di Salvatore Gaglio

(opera prima classificata Marineo 2014

sezione silloge inedita)